بلوجر شهيرة تتسبب في خناقة قوية على السوشيال ميديا والسبب «دعوة فرح»
انتشرت «ستوري انستجرام» بين رواد مواقع التواصل الاجتماعي بسرعة البرق، وترجع الاستوري لملكة جمال مصر السابقة والبلوجر، دالا المهندس، عندما وجهت إحدى متابعينها سؤالا لها قائلا: «إزاى عملتي فرح من غير أطفال».. لترد عليها: «أنا من طلبت عدم حضورهم».
واحتفلت دالا بزواجها من البلوجر كريم مكرم في نهاية الشهر الماضي، وكانت وقتها حديث السوشيال ميديا كلها، بسب طلتها التي تشبه الأميرات.
ونشرت دالا بعض تجهيزات الفرح لمتابعينها، لتسألها أحدهم: «إزاي الفرح مكنتش فيه أطفال».
وردت قائلة: «كتبت في الدعوة أن الفرح مش عايزة فيه أطفال، حاجة مش عيب ولا غلط، ده يوم في العمر، وكنت عايزاه يطلع مظبوط كانت خطوة صح، محدش زعل كله قدر».
وتفاعل رواد مواقع التواصل الاجتماعي، حول قرار دالا ما بين مؤيد ومعارض، فقالت أحدهم: «أنا كمان هعمل كده الأطفال بيبهدلوا الدنيا».
وعلقت أخرى: «ياجماعة هي حرة.. واحدة حابة فرحها يكون جميل ومنظم أنتم مالكم.. والله أحسن قرار».
وجاء آخر: «إزاي يعنى أروح فرح من غير ابني ولا بنتي.. يبقى اعملوا فرح ليكم أنتم الاتنين بس.. والله دي قلة أدب منك».
لترد دالا: «أنتم مالكم أنا عزمتكم أنتم، أنا عزمت ناس موافقة وراضية، وده أحسن قرار عملته ويومي كان حلو وجميل، أنا فعلا قليلة الذوق عشان معزمتش الأطفال بس فرحت في يومي جدا».
