ابن ماما سناء اليوتيوبر الشهيرة لـ«عروسة كفر الدوار» يوجه رسالة لزوجها
نشر حمو شاكر، ابن اليوتيوبر الراحلة ماما سناء، عبر صفحة ماما سناء، مقطع فيديو لدعم عروس كفر الدوار أمنية طارق.
التي ظهرت في مقطع فيديو قبل التوقيع على عقد الزواج توصي زوجها بأهلها، والذي أحدث ردود أفعال واسعة على مواقع التواصل الإجتماعي.
ويقول حمو شاكر ابن اليوتيوبر الراحلة ماما سناء، أمنية طارق بنت بلدي وبنت منطقتى ومحترمة جدًا وزوجها محترم جدًا، وهي صاحبة مراتي، وكانت بتيجي الكافيه علطول هي وباباها اللى أنا كنت فاتحه.
وأضاف حمو شاكر: «عايز أوصل رسالة للناس اللى بترغي، هي ما غلطتش في حاجة، حقها تقول كده وحقها تقول أكتر من كدة لجوزها، وأقول للناس اللي طالعة بتهبد، وتقول هي غلطت وإزاي تتكلمي بالأسلوب ده، وإزاي تعملي كدة، إنتوا من جواكوا كلكم عيوب وعندكم سواد، وإنتوا ما بتحبوش الخير لحد».
ورد ابن ماما سناء عن منتقدي عروس كفر الدوار، «الناس اللى بتقول إزاي توصي على أمها وما توصيش على أبوها، أمنية ما كانتش بتيجي الكافيه إلا مع باباها، باباها إللي اسمه طارق اللى بتقول عليه طروءة صاحبها وحبيبها وكل حاجة ليها».
ووصف حمو شاكر منتقدي عروس كفر الدوار: بيكرهوا الخير للناس، وأنا شايف إنها ما عملتش حاجة غلط».
وأضاف: «أمنية بنت محترمة جدًا ومتربية أحسن تربية، وأحسن أدب وأحسن إحترام، ولما نزلت الفيديو حصلت هوجة عليها، إنتوا مش فرحانين لها ليه؟ مش بتحبوا الخير ليها ليه؟ طلعت ترند، ربنا يقويكي وامسكي في التريند، وخليكي على السوشيال واشتغلي على السوشيال إنتي وجوزك، ربنا هيكرمك، وفكك من كلام الناس، اللي بنتقدك أو إللي بيكلمك بأسلوب وحش، سيبك منه، طول ما انتي بتركني على الرف الكومنتات السلبية إنتي كدة ماشية صح، وطالما ما أغضبتيش ربنا وبعدتي عن الناس الوحشة يبقي إنتى كده هتكملي طريقك صح».
