مروان موسى يطرح ”العنوان” من ألبومه الجديد ”الرجل الذي فقد قلبه”
طرح الرابر مروان موسى أغاني ألبومه الجديد "الرجل الذي فقد قلبه" عبر قناته الرسمية في موقع يوتيوب.
وجاءت أولى أغاني ألبوم مروان موسى الجديد تحت اسم "العنوان"، وتقول كلماتها:
عدى الخريف طفيتي نوري
لسه ف عيوني ما بتختفيش
صوتك ندهني ليه من مفيش؟
لازم تفوّت لازم تعيش
بطّل سوادك ماتشتكيش
لسان اكتئابك خلاك تعيس
باصّة لنجاحك مبسوطة بيك
شايفاك بتجري ماتنسانيش
باعتلِك العنوان
بيت شعر مافيهوش سكان
دخان ف عقلي أوهام
يهمِك الإنسان
ولو عليه أحكام
جيوبي اتملت أحزان
قلبي اتظلم واتلام
عاجز عن النسيان
لسه فاكر اللي اتقال
كلمه كلمه وبتتعاد
مشوارنا بعيد خدناه
مسكنا السكة وسيبنا الناس
ماشي بالإحساس
قلبي لساني مابحسبهاش
بس الجملة ليها حساب
فيه حاجات ماقولنهاش
كتير انا جريت
شقى وشقيت
رضا ورضيت
سهر العين
ليله واتنين
خلص البيت
والحيلة والحِيل
لساني مغلول
إحساسي مقسوم
عتمة ونور
بين صفا وغيوم
حبيبي ماله؟
مالك ماتقول
سيبلي العنوان
جوابي مكتوب"
يتكون الألبوم من خمسة أجزاء يعكس خلالها مروان المراحل الخمس للحزن من حالة الإنكار والغضب والمساومة والاكتئاب إلى القبول، وينقل الجمهور في رحلة مشاعر شخصية للتحول من الفقدان إلى الشفاء.
