حازم إمام: أزمة الزمالك الأزلية هي المال.. والنادي مهدد بخسارة الونش مثل زيزو
تحدث الكابتن حازم إمام، نجم الزمالك السابق وعضو مجلس إدارة اتحاد الكرة، عن الأزمة المالية التي يمر بها نادي الزمالك، مؤكدًا أن الأزمة الاقتصادية تمثل العائق الأكبر أمام تجديد عقود اللاعبين والحفاظ على القوام الأساسي للفريق.
وقال إمام، في تصريحات عبر إذاعة "أون سبورت إف إم":
"كنا بنتكلم عن الفلوس، الزمالك هيجيبها منين؟ وهي دي المشكلة الأزلية. دايمًا في مشكلة في الفلوس ومقدمات العقود، وده اللي بيخلينا دايمًا في مأزق لما بنجي نجدد لأي لاعب".
وأضاف: "دلوقتي نفس المشكلة بتتكرر مع محمود حمدي الونش، الزمالك عاوز يجدد له، لكن سمعنا إن في عرض من الأهلي بأرقام كبيرة. وفرضًا اللاعب قال مش عايز الرقم اللي الزمالك عرضه، وقتها الجمهور هيزعل ويبدأ يهاجم الإدارة ويقولك مش عارفين تحافظوا على النجوم.. خدوا منكم زيزو ودلوقتي الونش".
واختتم إمام تصريحاته بالتأكيد على ضرورة إيجاد حلول مالية حقيقية داخل النادي حتى لا يستمر نزيف النجوم، خاصة وأن الجمهور لا يتحمل مزيدًا من الصدمات بعد رحيل عدد من اللاعبين البارزين خلال الفترة الأخيرة.
