الإفتاء توضح مقدار زكاة الفطر وكيفية تقدير قيمتها بطريقة بسيطة
أوضحت دار الإفتاء المصرية عبر صفحتها الرسمية على فيسبوك، قيمة زكاة الفطر 2025 كيف قدرت هذه القيمة بطريقة سهلة وميسرة ولغة عامية أيضا بسيطة.
قيمة زكاة الفطرة 2025
وقالت دار الإفتاء المصرية ان قيمة زكاة الفطر لهذا العام 35 جنيه وهذا الحد الأدنى لها (يعني طلع أكتر من 35 جنيه لو معاك ودخلك يسمح لك).
وأجابت عن من يقول: إن 35 جنيه قليل مش هتعمل حاجه وقالت: يبقى تطلع ما ترضاه نفسك وتحس إنه له قيمه لكن لا تقل عن 35 جنيه ولا تلزم غيرك يطلع زيك لأن ممكن يكون غير قادر، وكمان تقدر تطلعها فلوس لا تشتر بها شيء.
كيف قدرت قيمة زكاة الفطرة 2025
وكشفت عن إنها حسبت القيمة على القمح اللي هو نوع من الأنواع المذكورة في سنة سيدنا رسول الله صلى الله عليه وآله وسلم والخاصة بزكاة الفطر، بالإضافة إلى أنه غالب طعام المصريين بيتعمل منه العيش اللي هو وجبة أساسية وكمان بيدخل في أطعمة كثيرة جدًا.
سعر أردب القمح
وأوضحت ان سعر أردب القمح دلوقتي 2000 جنيه مصري من أحسن الأنواع، وأردب القمح فيه 150 كيلو، يبقى سعر الكيلو 13.33 ثلاثة عشر جنيه وثلاثة وثلاثون قرشًا تقريبًا.
ونوهت ان زكاة الفطر في القمح (2.04 كيلو)، يبقى نضرب 2.04 كيلو * 13.33، هيطلع الناتج 27.19 جنيه مصري.
ولفتت الى انها قالت ان قيمة زكاة الفطر 2025، حوالي 35 جنيه يعني زودت كمان عن الحد الأدنى بشويه.
إخراج زكاة الفطر مالا
وبينت أن بعض الناس مفكره إن ناخد الفلوس نشتري بها أرز مثلا
لأ طلعها فلوس وربنا يتقبل منك.
حكم اخراج زكاة الفطر أول رمضان
وذكرت انه يجوز إخراجها كمان من أول رمضان لحد قبل صلاة العيد.
بهذه الأدعية يودع المسلمون رمضان، متمنين أن يكونوا قد أدوا حقه على الوجه الذي يرضي الله، داعين أن يمن عليهم بمواسم أخرى من الطاعات والبركات.
