صابرين تكشف سر رشاقتها
كشفت الفنانة صابرين في برنامج «كلمة أخيرة»، مع الاعلامية لميس الحديدي، عبر قناة on tv عن أعمالها وعودتها بقوة للتمثيل.
وسألت خلال اللقاء الإعلامية لميس الحديدي النجمة صابرين: «إنتي ازاي خسيتي كدة؟».
وقالت صابرين: «كنت حد تاني قبل ما أخس بس تصدقي كنت أحلى وأنا تخينة، كنت بطة وفي خدود، لكن في الحقيقة الخسسان كان مراحل وراء بعض واخدتها واحدة واحدة، ولكن اللي يشوفني حاليا في الكاميرا بيشوفني تخينة لكن أنا في الحقيقة أخس لأنني من الناس اللي بتبان ضخمة في الكاميرا».
وتابعت صابرين: «من زمان أخدت قرار إني أخس، ولكن كان طول الوقت بحاول أخس وأرجع، وعندما توقف الحرق استخدمت وسائل منها الحقن شوية، ومش كتير وتحت إشراف طبي ولما مشيت كويس معايا عملت توقف عنها».
