الرئيس السيسي: الدولة خرجت من أعوام 2011 و2012 و2013 وهي في محنة كبيرة واقتتال وفوضى
قال الرئيس عبدالفتاح السيسي، إن الدولة خرجت من أعوام 2011 و2012 و2013 وهي في محنة كبيرة، واقتتال وفوضى وتخريب وتدمير لمصر.
وتابع الرئيس السيسي، قائلا: "أنتوا نسيتوا إننا قعدنا يمكن لـ2022 الإرهاب انتهى 2022 ابتدينا نقول الحمد لله رب العالمين دي حاجة مش بسيطة في تاريخ الدول يعني في دول قعدت 20 سنة تقاتل ولسة، وخرجت ما حلتش وطبعا إحنا في غنى إننا نقول ده".
وأضاف الرئيس خلال تصريحات على هامش الاحتفال بعيد الشرطة، اليوم الأربعاء، "ربنا أعاننا إننا ننهي الموضوع ده في 2022 وده معناه إن كان فيه إنفاق كبير في هذا الموضوع".
وقال الرئيس السيسي، إن كل ما عددنا بيزيد وإنتاجنا في الريف بيقل بيكون فيه طلب على تلبية الفارق من الخارج".
وتابع بالقول: "كان القمح ممكن يكفينا مبقاش يكفينا، الذرة كانت ممكن تكفينا مبقتش تكفينا، كانت فيه منتجات تكفينا زي اللحوم والدواجن والبيض دلوقتي مبقتش تكفينا، بنتكلم على طلبات 110 ملايين نسمة ، كل يوم عايزين إيه، هدفنا زيادة قدرتنا وخيرنا"، وأكد أن المعركة مش ضد الدولار ولكن ضد نقص الدولار، وهي دي الحكاية ببساطة في مصر.
وعن حلول الأزمة قال الرئيس:"كل اللي بيتكلم في الاقتصاد يقول عندي الروشتة الطبية وعندي حلول وأفكار، أنا معاك وأي حل ومقترح إحنا بنشوفه لأن إحنا أصحاب مصلحة لحل أي مسألة، ومجرد إن ربنا يوفقنا في حلها هنبقى في حتة تانية".
وأضاف: نحاول تقليل فاتورة الاستيراد ولو فيه فرصة أنتج وأصدر أصدر، محتاج أنهي الطلب بتاع الدولار من برة وده هدف إستراتيجي للدولة لتصفير الفرق ما بين طلبنا للدولار وإنفاقنا للدولار".
