مش حسابي.. أول تعليق من وكيلة مدرسة بعد بوست الإساءة لوزير التعليم

أنكرت نرمين محمد وكيلة مدرسة دولية ما نسب إليها من إساءة لوزير التربية والتعليم على موقع التواصل الاجتماعي فيسبوك بشأن مشاجرة طالبات المدرسة.

ونفت صورة المنشور المتداول وكتبت: "هذا المنشور لا أساس له من الصحة وهذا ليس حسابي الشخصي حيث تم سرقة الصورة والاسم والبيو وسيتم اتخاذ الإجراءات القانونية بخصوص ما نشر وما تم كتابته بالمنشور لا أساس له من الصحة وليس له علاقة بي ولا أوافق عليه".

وتصدر صفحات منصة التواصل الاجتماعي فيسبوك منشور منسوب لنرمين مسؤلة مدرسة التجمع :" “تم وضع مدرسة كابيتال الدولية تحت الإشراف المالي والإداري ليه، عشان حصلت خناقة بين بنتين واحدة شتمت كارما، والتانية ردت الشتيمة وضربت (راوية) ونتج عن الضرب شرخ في الأنف”.

وتابعت: “قامت الدنيا ما قعدتش، وتحولت الخناقة لقضية رأي عام، على الرغم إن إدارة المدرسة حولت ملف راوية الليثي من سنتين للوزارة، عشان يتم فصلها فصل نهائي، عشان برضه واقعة ضرب، ولم يتم قبول الطلب، واتقالنا دوركم تربوي قبل التعليم”.

وأضافت وكيلة مدرسة كابيتال: “قمنا بدورنا وقوّمنا سلوك البنت لمدة سنتين، ما حصلش فيهم أي واقعة أو مخالفة من البنت، اللي كانت بتقوم بضبط النفس جدًا عشان مستقبلها، خاصة إنها بنت متفوقة جدًا دراسيًا، وكان من المفترض إنها هتقدم ورقها انهارده في كلية الطب جامعة الجلالة".

وزادت: "فتقوم بنت من 6 grade تتخانق مع أختها وتشتمها بالأم فتلجأ البنت لأختها الكبيرة اللي هي راوية عشان تجبلها حقها، خاصة إن كارما أطول وأعرض منها، وده اللي سمح لها بالتسلل لمنطقة ال High School اللي ما كنش المفروض تكون فيها وتسمع راوية شتيمة أمها بودنها فتنهال علي البنت بالسب والضرب”.

وأكدت: “راوية ما تقدرش تتمالك أعصابها ويروح مجهود سنتين معاها من العلاج والتدريب على ضبط النفس ويضيع مستقبلها كله بسبب نشر الفيديو اللي هيج الرأي العام وقوم الدنيا وما قعدهاش فيضيع مستقبل البنات وتتحول المدرسة للإشراف المالي والإداري”.

وأكملت حديثها: “السؤال هنا هي المدارس اللي تحت الإشراف المالي ما بيحصلش فيها خناقات ولا تجاوزات وماشية ع الخط المستقيم ولا أنتم بتدوروا علي أي سبوبة”.