شاهد تعليق تامر حسني على تصريحات رامي صبري
علق الفنان تامر حسني على تصريحات رامي صبري بشأن تعاونها معا في دويتو غنائي، من المقرر طرحه خلال الأيام المقبلة، عبر صفحتها الشخصية بموقع التواصل الاجتماعي فيس بوك.
وقال تامر حسني: «حبيبي يا رامي إنت قبل ما تكون نجم كبير ومُهم إنت صاحبي من أيام الطفولة ودي حاجات الناس متعرفهاش ويمكن مكنش في فُرصه نحكي ده قبل كده».
وتابع: «إنت يا رامي صاحب عُمر ومشوار مشيناه من الطفوله وأنا في الصوره ماسك المايك لأخويا ولصوت مصري عظيم يستحق».
وأضاف: «شُكرًا يا حبيبي على كلامك الغالي اللي من القلب أنا فعلًا إشتغلت معاك من كل قلبي وبكُل حرص علينا إحنا الاتنين بكُل التفاصيل بدافع الحُب والصداقه وإن ربنا يكرمنا مع بعض، أعتقد إن التعاون ده هيحمس كُل جيلنا إنه يعمل أفكار مشاركه كده وأنا بنادي بيها من زمان من أيام تامر وشيرين وبعدها تامر وبهاء في أغنية قوم اقف وأنا وإنت بعدها إتكلمنا من سنين عشان نجمع البعض من جيلنا وعملنا المستحيل وللأسف معرفناش فقولنا نبدأ بنفسنا عشان نحمس الكُل».
وأدف تامر: «حقيقي جمهورنا يستاهل مننا كُل الجديد وكل المُفاجآت اللي تفرحه والمطربين اللي هييجوا بعدنا يستحقوا إنهم يتعلموا ده مننا عشان يكملوه للي بعدهم انتظروا كليب فعلًا مبيتنسيش بيني وبين أخويا النجم الكبير رامي صبري باشا».
