وائل جمعة: الأهلي نادي عالمي ويستحق التألق في كل المحافل
عبر وائل جمعة، نجم النادي الأهلي السابق، عن سعادته بوجود الفريق في قطر، مؤكدًا أن هذا الحدث هو "عيد" لكل المصريين المقيمين هناك.
وقال وائل جمعة عبر الموقع الرسمي للنادي: "أنا سعيد إنني موجود هنا وسعيد أكثر أن الأهلي هنا في قطر، دي فرحة كبيرة لكل المصريين في قطر، وفرحة أكبر بالنسبة لي شخصيًا، المكان اللي عشت فيه أفضل أيام حياتي وشفت فيه كل السعادة".
وأضاف: "أتمنى التوفيق للفريق يوم السبت القادم وإن شاء الله يفرحونا، النادي الأهلي دايمًا بيجيب الفرحة للمصريين في كل حتة في العالم".
وأكد وائل جمعة: "الأهلي بقى نادي عالمي بفضل نجاحه المستمر، وأتمنى الفريق يواصل التقدم. الفرصة قدام اللاعبين دلوقتي ليشعروا بقيمتهم ويعطوا كل ما لديهم عشان يوصلوا للنهائي ضد ريال مدريد، دي فرصة تاريخية ليهم وللنادي".
وأكمل: "أتمنى أن اللاعبين يساهموا في رفع مكانة النادي الأهلي عالميًا، ويساعدوا في تطوره ونموه أكتر. الأهم من كل ده إنهم يفتكروا جمهور الأهلي اللي دايمًا بيقف معاهم، زي ما حصل في مباراة العين في القاهرة.
واختتم : الجمهور جزء من انتصارات الفريق، وإن شاء الله اللاعبين يبذلوا أقصى جهد عشان يحققوا الفوز".
