رامي صبري وويجز.. مواجهة بين البوب والراب تشعل السوشيال ميديا

شهدت الساعات الأخيرة جدلاً واسعًا بين جمهور موسيقى البوب والراب، بعد تصريحات متبادلة بين المطرب رامي صبري ومغني الراب ويجز. الخلاف بدأ عندما عبّر رامي صبري، خلال مقابلة تلفزيونية، عن رأيه في موسيقى الراب وكلماتها، قائلاً: "ويجز زعلان مني ومش عارف ليه، أنا قلت إني مش بفهم كلامه، ودي حقيقة، لكن أكدت إنه بيعمل موسيقى مميزة ومجتهد."

لكن رد ويجز لم يتأخر، حيث نشر فيديو عبر خاصية "الستوري" على حسابه في إنستجرام، مهاجمًا رامي صبري بشكل مباشر. قال ويجز: "في فنان فاكر إن عنده صلاحية يتكلم عن أي حد والناس تسمع وتوافق. الفنان ده اسمه رامي. كل كام شهر، لما يزهق، يطلع يتكلم عن مطربي الراب والهيب هوب. امتى هتركز في مجالك وفنك، اللي هو البوب، اللي أنت أصلاً جزء منه؟"

وأضاف ويجز: "انت بنفسك قلت إنك مش بتفهم في الراب، فليه تتكلم عنه؟ لما أشوف حد بيعمل حاجة مش بعرف أعملها، باحترمه. لكن أنت مش بتقدر الفنانين دول، وبتفتكر إنهم بيحاولوا يوصلوا لمستواك، مع إنهم أصلاً متفوقين عليك. أنت مش رقم 2 يا رامي، أنت رقم 19، بعيد جدًا."

واختتم ويجز الفيديو بالإشارة إلى أغنيته الجديدة المرتقبة قائلاً: "استنوا أغنيتي الجديدة يوم 27. مش هقولكم عن فكرتها، بس ممكن الأستاذ رامي يشرحها لو فهمها."

التصريحات أشعلت منصات التواصل الاجتماعي، حيث انقسمت الآراء بين جمهور موسيقى البوب والراب، وتداول المستخدمون الموقف بكثافة، مدافعين عن موسيقاهم المفضلة في ظل استمرار المنافسة بين النوعين الفنيين.