جهاد جريشة: مش هكرر اللي عملته مع الأهلي

قال جهاد جريشة الحكم الدولي السابق أنه اعتذر مرة واحدة في تاريخه عن خطأ في مباراة للأهلي ضد الرجاء بالدوري المصري ولم يكرر الأمر مرة ثانية.

وقال جريشة في تصريحات لبودكاست "فنجان شاي" الذي يقدمه الإعلامي أحمد أسامه: "اعتذرت مرة واحدة في العمر متكررتش تاني".

وأضاف جريشة: " كنت في كاس العالم شباب نيوزيلندا 2015 وكان معايا الحكم الأسباني لاهوز كان جاي من ماتش برشلونه وريال مدريد وكان فيه صداقة غير طبيعية مع بعض على الفيسبوك وتويتر وريال مدريد اشتكت من التحكيم وطلع بعد الماتش كتب باعتذر وغلطت وسألته عليه وقالي الناس تقبلت ومفيش مشكلة".
وأشار جريشة: "رجعت من نيوزيلندا وكان اول ماتش الاهلي والرجاء وجاي بنشوة لعب أربع ماتشات في كأس العالم للشباب وأول بطولة في الفيفا، وبقيت مؤهل للمشاركة في 2018، ولما جالي الأهلي والرجاء قلت ماتش مش ند للند وحسبت ضربة جزاء على الأهلي بكل ثقة".

وتابع جريشة: "بعد ما صفرت ضربة جزاء على الأهلي ما فيش لاعب اعترض في الملعب وده على غير الطبيعي دايما لما تحسب ضربة جزاء على الأهلي أو الزمالك تلاقي الاعتراض غير طبيعي وكنت واثق من اللعبه مليون الميه مفيش لعيب قالي انت بتعمل ايه لما روحت شفتها لقيت تمثيل واضحة واضحة ووفتها افتكرت لاهوز".

واختتم جريشة حيثه: "وعملت زي لاهوز واعتذرت بس رد الفعل كان صعب قوي من جمهور الزمالك طبعا ساعتها والاعلام اشتغل عليها بطريقه صعبه فكان طبعا موقف صعب ومنساهوش ومكررتوش ثاني اللي بيحصل في أوروبا ما ينفعش يحصل عندنا".