وسام أبو علي: «أنا فلسطيني مصري... وما شفتش زي جمهور الأهلي في حياتي»
كشف وسام أبو علي، مهاجم النادي الأهلي، على الأخبار اللي انتشرت عن رحيله عن القلعة الحمراء في فترة الانتقالات الشتوية.
وقال أبو علي، في تصريحات عبر صفحة الأهلي على "فيس بوك": "أنا بحب الجمهور،من أول يوم جيت فيه النادي، عمري ما شفت جمهور زي ده".
واضاف: "لم يصرح أحد أني سأرحل عن الأهلي، أنا مستمر داخل صفوف القلعة الحمراء،من أول يوم أجتهد وربنا كرمنا، لما بتسجل أهداف وتحقق أرقام كويسة، الكل هيتكلم عنك، لكن أنا بلعب في فريق قوي جدًا، واللاعبين اللي معايا بيصنعوا لي الفرص وبيساعدوني، إحنا فريق واحد".
وتابع : "أنا مش شايف نفسي أجنبي، أنا فلسطيني مصري وكلنا إخوات، أنا بركز في الملعب، وأهم حاجة إن الجمهور يبقى مبسوط بي".
واضاف : "فيه تفاصيل صغيرة في شخصية كل لاعب، لكن لما بدخل الملعب بكون شخص تاني (وحش) ما بفكرش في حاجة غير تسجيل الأهداف، بره الملعب بكون هادي وبمزح مع زمايلي".
وختم حديثه: "لعبت نص موسم في مصر، حصلت على هداف الدوري، والجائزة دي مع زمايلي، أهنئ نفسي وأهنئهم على الموسم اللي فات".
