أمير عزمي مجاهد: «اللي ماسك لجنة المسابقات في مصر ترزي»
وصف أمير عزمي مجاهد نجم الزمالك السابق، رئيس لجنة المسابقات في مصر بـ الترزي، مشددا على أن تفصيل اللوائح والمباريات يساهم في تراجع الكرة المصرية.
وقال أمير عزمي في تصريحات عبر بودكاست من الجول للجول مع الإعلامية دينا الإدريسي: "طول ما الترزي اللي بيفصل اللوائح والقوانين والماتشات هو اللي ماسك الكورة المصرية عمرنا ما هنتقدم، كفاية وشوش قديمة وكفاية موضة قديمة عايزين نجدد بقى الناس زهقت".
وأضاف: "الترزي اللي ماسك لجنة المسابقات وبيفصل وبيختار بالتليفون أفضل لاعب في المباريات، من غير إحصائيات أو أرقام أو حقائق رياضية هو السبب في تراجع الكورة المصرية".
واختتم: "ابعدوا الترزي عن الكورة المصرية عايزين نشوف وشوش جديدة".
