بعد تصريحات كولر المثيرة.. اتحاد الكرة يكشف مفاجأة صادمة بشأن كأس مصر

كشف جمال علام، رئيس اتحاد الكرة، عن مفاجأة بشأن أزمة إعلان مواعيد بطولة كأس مصر، وضرورة خوضها بعد نهاية الدوري الممتاز.

وقال جمال علام في تصريحات عبر قناة «إم بي سي مصر 1»: «كان في تفكير لإلغاء كأس مصر قبل تحديد المواعيد؟ صعب جدًا نفكر في كدة في حقوق تسويقية ورعاة، وهيكون في عواقب».

وأضاف: «في حاجة لم توضح، كأس مصر كان من فترة بيتلعب مسابقتين كأس مع بعض، ودا كان استثناء لفترات القيد، لكن فيفا منع خالص، مفيش استثناء قيد، فـ أصبح إنك بتلعب الدوري مع الكأس وبعدين تفتح القيد المحلي ويخلصوا مع بعض».

وأكمل: «احنا مش عارفين هنفتح امتى القيد، فمحددين بعد الدوري نخلص الكأس ونفتح القيد المحلي، وبعدين في قيد اتحاد أفريقي، مش هنقدر نقيد أي لاعب في اتحاد الكرة قبل ما نخلص الدوري والكأس مع بعض».

وتابع: «عايزين نخلص، وتشوف الرابطة ونبدأ الدوري في ميعاد معين، الدوري الوحيد المستمر الدوري المصري، لازم يكون في تعديل الفترة الجاية».