عمر كمال: ”أنا مع الجواز العرفي ومش عايز أولاد لإني مش هكون أب حنين”
حل الفنان عمر كمال ضيفًا على أحد البرامج التليفزيونية، وقال خلال اللقاء: "أنا خريج صنايع، وفي كلمات فى أغاني المهرجانات مش كويسة، تعبت وفضلت 30 سنة بشتغل ودورى جه وعمرى ما بصيت لحد خالص".
وأضاف: "احنا بنت وثلاث أولاد، وبعد وفاة والدى كل واحد راح يشتغل فى سكته وأمي بتحبني وتدعيلي، لكن حظى وحش فى الارتباط، وأمى عمرها ما عرضت عليا عروسة، ونزلت أول مرة رمسيس وكان معايا عشرة جنيه في جيبي، وروحت اشتغلت في مطعم في وكنت باخد 300 جنيه في الشهر".
وتابع: "مفيش حد في الحياة يضرب حد من الجمهور بالقلم.. لو حد ضربني غصبن عنه استحالة أضربه، وكل فترة لازم أزور الطبيب النفسي وأفضي كل اللي جوايا، السنة اللي فاتت مكنتش كويس ولا في أحسن حالاتي لكن السنة دي أفضل".
وقال: "حبيت مرتين ومنجحتش وانتهت كل القصص عادي.. والزواج العرفي كويس والعلاقات على النت كتير، في فترة ما مكنتش متزن نفسيا ولما اللي كنت مرتبط بيها سمعت الكلام كان لها رد فعل غاضب، أونا عايز أتجوز بس ميكونش عندي عيال، لإن الخلفة مسئولية تقيلة ووجع قلب ومش هعرف أربي ولا هكون أب حنين وهبوظ الولد".
