عمرو سلامة: «أنا رأيي ندي الدوري للأهلي كل سنة بقيت الفرق تنافس المركز الثاني»
قرر المخرج عمرو سلامة التعليق على احتساب حكم لقاء الأهلي وسيراميكا كليوباترا ضربة جزاء لصالح وسام أبو علي، وهي ضربة جزاء مشكوك في صحتها.
وكتب عمرو سلامة في تدوينة له على حسابه الشخصي بموقع التدوينات X: "أنا رأيي خلاص، الدوري كل سنة نديه للأهلي من قبل ما يبدأ، والفرق الثانية تنافس على المركز الثاني، حرام نتعب لعيبة غالية كده كمان في بطولات محلية، ورايحين جايين على محافظات يلاعبو فرق غلبانة مش مستواهم، يركزوا بقى في البطولات القارية والعالمية.
واستكمل: "كمان من العبث إنك تحبط فرق كل ميزانيتها تساوي نص سعر لاعب في الأهلي وهم بيخسروا ثلاثة وأربعة بأقل مجهود من أبطال القارة، الفجوة كبرت لحد ما انتفت المنافسة، ومناخ طارد لأي مستثمر يفكر يحط فلوس في الكورة في مصر، ومحبط لأي فريق جماهيري قاعد يتداين وبرضه عمره ما هيحصل فريق معاه كل هذا الدعم المادي وكل أشكال الدعم الأخرى".
وأضاف: "يا معشر الكرويين فكروا في الاقتراح ده والله، أهه ساعتها يمكن نحس بشوية منافسة ونفرح بقى براحتنا بالأهلي بطل مصر الأوحد لما يركز طاقاته في إنه يكسب بطولات قارية وعالمية. بدل ثقل الدم الماسخ ده".
