صفاء حمودة: هذا التصرف يفقد ابنك التعامل مع الأنماط المختلفة للبشر

أجابت صفاء حمودة، استشاري الطب النفسي وعلاج الإدمان بكلية طب جامعة الأزهر الشريف، على سؤال حول كيفية التعامل مع الطفل المراهق لتكوين أصدقاء جيدين؟.

وأوضحت استشاري الطب النفسي وعلاج الإدمان بكلية طب جامعة الأزهر الشريف، خلال حوار مع الإعلامية مروة شتلة، بحلقة برنامج "البيت"، المذاع على فضائية "الناس"، اليوم الأربعاء: "المراهقة بتتخنق بقى وبعدين هتقول لي بلاش صاحبك ده فالمرة الجاية أنا هنزل من وراها معاه ومش اقول، أحنا أربعة أصحاب ومش أقول الخامس، وهبتدي أخبي عليها وبندخل في منطقة تانية خالص.. لكن لما نشوف إن أه صاحبك في الحتة الفلانية، أنت واخد بالك؟ طب هو كان التصرف ده صح، فهو يرد؟ المهم هنا الحوار.. إن أنا مش بسمع الأهالي مستعجلة تتكلم وعايزة تدي نصائح ومش بتسمعش.. يعني لو قعدت مع حضرتك وقعت أديكي نصائح، أنت مش تسمعيني، هتتخنقي بعد شوية، وأنا أعرف إيه أكتر عنك عشان أديكي نصائح".

وتابعت: "فالطفل المراهق هو شايف إن أنا بفهم، ده أنا أصحابي بياخدوا رأيي، فتيجي ماما تقعد تمليني شوية نصائح. فبالتالي، لما يكون حوار، ده يعني بناخد وبندي، يعني أنا بسأله تفتكر تصرف صاحبك كان مناسب في الموقف ده؟ فهو يرد يقول لي: "آه كان مناسب". يعني إنت لو مكاني هتعمل كده؟ لا، ما كنتش هعمل كده.

ما أنا حاطه بقى قيمي بتاعة زمان، أومال هو تصرفه، إنت شايف فيه إيه؟ شايف فيه إنه كان كداب مثلاً؟ طيب، هل ده ينفع أبتدي الفهم نظر، إنه ياخد باله من الأخطاء والتصرفات، ودي نقطة مهمة بقى، مش عشان صاحبه كذاب، إحنا هنقطع معاه للأبد، لأنه في العالم هيخرج، هيقابل ناس كدابين ولازم يتعامل معاهم، ناس منافقين، ناس عندهم مشاكل نفسية، ويتعامل معاهم.. ولكن إحنا بنعلمه إنه يلقط العيب ويخلي باله منه، وبعدين يتحرك بقى بناء على علاقته بصاحبه.. فما يصدقوش في كل حاجة، فيتعلم يتعامل إزاي مع الأنماط المختلفة للبشر ويبقى واخد حذره".

وأضافت: "بقى فكرة إقطع معاه، كده إنت بتضغطي في حتة ده صاحبي ده بيديني كلام حلو وبيقول لي: "ده إنت جامد جداً، ده إنت بتلعب كورة، أحسن واحد فينا، ده إنت نجم الفريق".. فبيدعمني، فأنا هخسر واحد بيدعمني.. وبنعمل مع بعض الحاجات اللي ماما، وبابا بيخلوني ما بعرفش أعملها. هي فعلاً مشكلة كبيرة جداً".
وكانت الشركة المتحدة للخدمات الإعلامية، قد أطلقت قناة الناس في شكلها الجديد، باستعراض مجموعة برامجها وخريطة الجديدة التي تبث على شاشتها خلال 2023.

وتبث قناة الناس عبر تردد 12054رأسي، عدة برامج للمرأة والطفل وبرامج دينية وشبابية وثقافية وتغطي كل مجالات الحياة.