أمين الفتوى: إحنا مش في الجاهلية عشان تجوزى بنت مقابل سد الدين

انفعل الشيخ عويضة عثمان، أمين الفتوى بدار الإفتاء المصرية، في رده على سؤال متصلة حول: "أنا ست كبيرة واستلفت فلوس من واحد 56 ألف جنيه، علشان اعمل عملية لبنتى، ومش قادرة اردهم ليه، فهو عقالى خلاص اتجوز بنتك الصغيرة بعقد عرفى لمدة 6 شهور مقابل الفلوس دى، وأنا رفضت وقلت له دى يتمية، ومش عارفة أعمل إيه؟".

وقال أمين الفتوى بدار الإفتاء المصرية، خلال حلقة برنامج "فتاوى الناس"، المذاع على فضائية "الناس"، اليوم الثلاثاء: "جواز مؤقت هتبيعها.. ده كأنه بيشتري حاجة، ده إنسان هقول إيه.. طيب هقول إيه في الضمائر اللي ماتت.. أعوذ بالله.. ده الضمائر ماتت تماما للدرجة دي.. الناس مش عايزة تعمل عمل خير للآخرة. إيه يعني؟ 56000 جنيه وأكيد اللي بيدي الرقم ده أكيد عنده ألفات غيرها".

وتابع: "أوعى تفرطى فى بنتك ده إنسان ضميره ميت، ربنا يحيى له ضميره، إحنا مش فى الجاهلية علشان يشترى بنتك".
وكانت الشركة المتحدة للخدمات الإعلامية، قد أطلقت قناة الناس في شكلها الجديد، باستعراض مجموعة برامجها وخريطة الجديدة التي تبث على شاشتها خلال 2023.

وتبث قناة الناس عبر تردد 12054رأسي، عدة برامج للمرأة والطفل وبرامج دينية وشبابية وثقافية وتغطي كل مجالات الحياة.