جنة عليوة توجه رسالة لـ شهد سعيد: قبلت اعتذارك وراضية بالصلح والتنازل عن القضية
كشفت جنة عليوة لاعبة الدراجات، عن آخر تطورات أزمتها مع زميلتها شهد سعيد، قائلة: «بجد أنا مسامحاها ومفيش أي حاجة معاها، وأتمنى أنها تكلمني ومفيش أي حاجة خلاص مع شهد، وطالما أنا سامحتها خلاص مفيش قضية ولا حاجة».
وقالت جنة عليوة في مداخلة هاتفية مع الإعلامية فاتن عبد المعبود ببرنامج «صالة التحرير» المذاع على قناة صدى البلد: «أنا قبلت اعتذار شهد سعيد، خلاص مفيش حاجة وراضية بالقرار، طبعا الرئيس النهاردة تحدث عن القيم والأخلاق الرياضية دي حاجة مهمة أوي، كمان حابة أشكر وزير الرياضة، ورئيس اللجنة الأولمبية كمان».
ووجهت جنة عليوة رسالة إلى شهد سعيد قائلة: «والله أنا بتمنالك التوفيق وأتمنى تشاركي في أولمبياد 2028، مفيش مشكلة خالص مع شهد وأتمنى ليها التوفيق في حياتها الرياضية، وكمان أتمنى التوفيق للبعثة المصرية في أولمبياد باريس».
وأردفت: «أنا حسمت قراري بقبول الاعتذار بعد بيان عدم مشاركة شهد في أولمبياد باريس، الحمدالله مرة تانية وراضية بقرار الصلح والتنازل عن القضية».
