انجاز ايه؟ حلمي طولان: أنا مش معترف بحسام حسن وجهازه الفني
يرى حلمي طولان المدير الفني السابق للزمالك بأن حديث حسام حسن مدرب المنتخب المصري بأن ما قام به إنجاز أمر غريب.
وقال طولان في تصريحات تليفزيونية: "انجاز ايه؟، افوز على بوركينا فاسو 2/1 واتعادل مع غينيا 1/1، انجاز ايه؟، اللي بينتقد هو حر مش منتخب المدرب، احنا حريصين على منتخب مصر ويهمنا منتخب مصر اكتر من أي حد".
وأضاف طولان: "ياما هو أتكلم عن ناس وياما قطع في ناس وحارب ناس في أنديتها عشان يمسك بدالهم ياما، انا غير معترف بوجود الجهاز الفني، احنا في أمس الحاجة لمدير فني عالمي زي كارلوس كيروش يتولى مسئولية المنتخب".
