”خناقة تريندات”.. انفعال مروة صبري على الفنانة مها أحمد: بطلي شحاتة وتسول فضحتينا ”فيديو”

وجهت مها صبري مذيعة برنامج "قعدة ستات" رسالة هجوم للفنان مها أحمد خلال برنامجها، على ما تبثه الفنانة من فيديوهات تسئ للوسط الفني بألقاظ غير لائقة على منصة تيك توك.

خناقة مروة صبري ومها أحمد

وهاجمت مروة صبري الفنانة مها أحمد بجملة اعتبرها البعض إساءة قائلة: بطلي شحاتة وتسول على التيك توك، وانفعلت مقدمة البرنامج "إنتوا بتهينوا الفن والناس بتكتب تعليقات هو الفن خلاص مش بيأكلكم عيش".

وتابعت: "كان فيه فيديو لشخص طالع مع مها أحمد في تحدي على لايڤ تيك توك، وبيقول لها واضح الفن ما بيأكل خبز، فهي قالت له: الفن لا يأكل خبز، إحنا طالعين نشحت ونتسول على التيك توك واللايف، أنا طالعة أكسب علشان مابيجيليش أدوار".

وأضافت: "إنتي لو عملتي دورين تلاتة وسايبين علامة مع الناس أنتِي كده بتخسريهم، أنتِ بتمسحي تاريخك بأستيكة، ومها أحمد اسم مش قليل، مها نجمة من النجوم ولما تطلعي تقولي الفن مبيأكلش عيش وإحنا طالعين نشحت، حتى لو ده بيحصل اعملي أي حاجة تانية إلا إنك تظهري بالمشهد ده قدام الناس".

وقالت مروة: "هو ده ينفع، حتى وإن كانت دي نيتك هل ينفع تطلعي تقولي كده، كفاية يا جماعة شماعة الفن اللي أنتوا قاعدين تعلقوا عليها أخطائكوا والكوارث والمصايب اللي انتوا بتعملوها، انتوا بتهينوا الفن".