فاروق جعفر لـ«بوابة مصر 2030»: «إحنا مش جايين الزمالك نشحت من حد»

علق فاروق جعفر نجم الزمالك السابق، على تقدمه بالترشح في انتخابات نادي الزمالك المقبلة، على مقعد الرئيس.

وتنتهي اليوم مدة قبول طلبات الترشح في انتخابات نادي الزمالك، المقرر لها 20 أكتوبر المقبل، والتي بدأت الإثنين الماضي، حتى السادسة مساء اليوم الأحد.

وقال فاروق جعفر من خلال بث مباشر عبر "بوابة مصر 2030": "إحنا جايين نشتغل إزاي نجيب فلوس، إحنا مش جايين نشحت".

وواصل: "إحنا ولاد النادي وعندنا القدرة والإمكانيات، ونقدر بلاعيبتنا في جميع الألعاب نعدي من الأزمات".

وتابع: "أنا جاي عشان أخدم الزمالك اللي عمل تاريخي وتاريخي ولادي، ودي أقل حاجه نقدمها، ومستعد للمنافسة طالما الهدف واحد".

واختتم: "سأعلن عن القائمة الكاملة خلال الأيام المقبلة، ومش بالضرورة يكون في رجال أعمال، إحنا مش هنشحت من حد، اللي هيدفع النهارده ومش هيدفع بكرة".

وشهد اليوم الأخير من تلقي أوراق المرشحين، تقدم كل من أحمد سليمان وحسين لبيب بأوراق ترشحهما، بعدما أعلنا خوض المنافسة بقائمة موحدة.