«فشلة وأغبياء والدوري تعبان».. ميدو يفتح النار على مسؤولي الكرة المصرية

وجه أحمد حسام ميدو نجم الزمالك السابق، عدة رسائل نارية للمسؤولين عن الكرة المصرية، قبل انطلاق منافسات الموسم الجديد 2023-2024.

وكتب ميدو عبر حسابه الرسمي على موقع التدوينات القصيرة "تويتر": "الموسم المحلي راجع تاني، شوية أشخاص اتغيروا لكن نفس منهج الغباء متغيرش منه حاجة".

وتابع: "شايف إن في محاولة لتذكير الجماهير بمنهج الغباء اوعوا تنسوا إن إحنا فشلة وأغبياء، افتكر كويس أنت بتتعامل مع مين".

وواصل: "عندي اقتناع تام إن في تعمد إن الكورة في مصر تفضل منتج رخيص، لسبب ما أنا مش عارفه، لا يمكن يكون اللي بيحصل ده مش متعمد".

وشدد: "الموسم هيبدأ من غير أي تغيير في لائحة الانظباط والأخلاق، والحاج قاعد على المكنة بيفصل أسابيع الدوري".

واختتم ميدو رسائله: "والله العظيم نفسي أقاطع الدوري المصري، ده كورة تعبانة وملاعب تعبانة ونقل تليفزيوني تعبان، ولبس معظم الفرق تعبان، ومعظم اللاعيبة بيروحوا عند حلاق واحد".