بقى دولة طالعة من حرب.. نجم الزمالك يناشد المسؤولين لإنقاذ النادي

وجه محمد رمضان هتلر، نجم كرة اليد بنادي الزمالك، رسالة للمسؤولين عن الرياضة في مصر، مطالبًا إنقاذ القلعة البيضاء من الأزمة التي يمر بها.

وجاءت رسالة هتلر، بعد قرار الاتحاد المصري لكرة اليد بمنح الزمالك مهلة أسبوعين، لسداد مستحقات مدرب الفريق السابق، قبل معاقبته بإيقاف القيد والحرمان من المشاركة في البطولة العربية المقبلة.

وكتب هتلر عبر حسابه الرسمي على موقع التواصل الاجتماعي "فيسبوك": "أنا مش قادر أسكت على اللي بيحصل في النادي اللي بحبه وبعشقه واتمنيت ألعب فيه، وكان ليا الشرف إني أمثله وأرفع رايته فوق وعلى منصات التتويج اللي بيحصل فيه كتير وكتير جدا، فرقة الكوماندوز عندها بطولة عربية لغاية وقتنا هذا مش عارفيين هيطلعوا ولا لا".

وتابع: "عقود مش معتمدة تقريبا الفرقة كلها ما اتسجلتش، وكل فرق النادي على هذا النحو الناس اللي مسئولة عن الرياضة ساكتين ليه مقيدين الإيدى ليه بدون مبرر، رموز النادي الكبار جدا ساكتين ليه على حال النادي، الناس كلها لازم تتحرك الناس اللي بتحب النادي من قلبها لازم تتحرك النادي بقى دولة طالعة من حرب منهار تمامًا على كل الأصعدة، وكله بيتفرج عليه مستنى ينتهى مثلا".

وتابع: "أنا بناشد اللجنة الأولمبية، وزير الرياضة، الاتحادات الرياضية جميعًا، رموز النادي الكبار وكبار جدا، يقدروا يغيروا الواقع بعد فضل الله عز وجل عشان مصلحة مصر نادي الزمالك قلعة رياضية كبيرة وتقريبا 50% من لعيبة المنتخبات من نادى الزمالك لازم نتحرك ومن دلوقتي رجاء".