محمد مجدي أفشة: انتهى واحد من أكثر المواسم ضغط
تحدث محمد مجدي أفشة، لاعب الفريق الأول لكرة القدم بالنادي الأهلي عن بعض لحظات الموسم.
وكتب أفشة على "إنستجرام": "الحمد الله نهايه الموسم علي خير، واحد من أصعب المواسم وأكثرها ضغط انتهت بأن الأهلي دائما كسبان، موسم كان فيه لحظات فيها قلق وتوتر نفسي، تراجع ذهني ووجع قلب بعيد عنكم".
وتابع: "الاستسلام كان حل سهل بس للاسف أنا معرفوش كل ما ضاقت أكثر كل ما كنت اشتغل أكثر، تمرين فوق التمرين تركيز علي التركيز هدف واحد بس أوعى تسيب لحظى في النادي الأهلي متحطش اسمك فيها كل حاجة بتتعوض إلا الزمن".
وأكمل "الحمد الله ١٢ بطولة مع الأهلي ١٤ صناعة هدف ٢٢ فرصة محققه نسبة مشاركه تخطت الـ ٧٠٪ وللسنة الرابعة على التوالي أكثر لاعب مساهمة في أهداف النادي، فضل ربنا ودعم زمايلي في الفريق، سمعت كلام كثير محبط ومش حقيقي مش هقول ظالم بس أقل حاجة يزعل".
واختتم: "عموما ده ضمن الباكيج مفيش حلاوة من غير نار، الكلام ده حرفيا كان هو النار الي بتخليني عندي اصرار أكثر وغيره ورغبه أن أكون أقوي من أي كلمه اتقالت .. في نهاية الموسم شكرا لـ كل اللي انتقد سواء سلبي أو إيجابي كلامكم شحن البطارية وقت الإجازة وضميري مرتاح علشان فعلا تعبت جدا السنة دي".
