مفاجأة.. نجم الأهلي يطالب كولر بخسارة كأس مصر

وجه سيد معوض نجم الأهلي السابق، نصيحة للسويسري مارسيل كولر، المدير الفني للفريق الأول لكرة القدم بالقلعة الحمراء، لمباريات الفريق المقبلة بعد حسم لقب الدوري الممتاز رسميًا.

وقال سيد معوض في تصريحات تلفزيونية: "لما كنت موجود في الجهاز الفني للأهلي موسم 2017-2018 مع حسام البدري، بعد حسم الدوري رفض إراحة اللاعبين، علشان ينهي الموسم بلا خسارة ويحقق أرقام قياسية".

وتابع: "الأهلي تضرر من القرار بسبب تعرض عدد من اللاعبين للإصابة، وعلى رأسهم وليد أزارو اللي كان العنصر الأهم وقتها، وخرج الفريق بعدها من كأس مصر، ولعب مباراتين في دوري أبطال إفريقيا حقق نقطة واحدة".

وشدد: "كولر لازم يضحي حتى لو بالخروج من كأس مصر، علشان يستعد للموسم الجديد اللي هيكون فيه مباريات قوية، والأهم دلوقتي راحة اللاعبين".

واختتم سيد معوض تصريحاته: "استكمال الموسم الحالي باللاعبين الحاليين، مش هيحقق أي استفادة للفريق الموسم الجديد، بل هيضره، وحتى لو خرج من كأس مصر هيحافظ على الموسم الجاي، وأنسب وقت للراحة بالنسبة للاعبين هو في الوقت".