بسبب الزعل.. مراسلة بقناة dmc تفقد النطق

تعرضت مراسلة قناة DMC أميمة بدري لوعكة صحية، فقدت على إثرها النطق، وذلك بعد تعرضها لأزمة نفسية.

كتبت أميمة البدري منشور على حسابها بموقع فيسبوك: أنا محتاجة حد يساعدني أرجوكم، أنا فجأة فقدت النطق مش عارفة أنطق ولا أتكلم وشفتي طبقت زي البكم والصم وصوتي مش طالع ومش قادرة آخد نفسي، أنا خايفه ومش عارفة أعمل إيه، أنا تعبانه جدا ومش قادرة أنا مخضوضة من اللي حصلي.

وتابعت: الحمد لله رب العالمين علي كل حاجة حصلت ليا، أنا بكتب وأنا مش قادرة عشان أطمنكم أنا روحت المستشفى، وعملت الأشعة المقطعية على المخ، الحمد لله مفيش جلطة، بس للأسف فقدت النطق، بسبب إني زعلت جامد، ادعولي دعوة صادقة، أنا محتاجة، لدعواتكم وشكرا لكل اللي بيكلمني بس حرفيا مش قادرة من الصدمة.

وأضافت: أنا دكتور كتبلي أدوية، وقالي لازم أرتاح تماما، وخلال 3 أيام لو مش اتحسنت، ورجعت أتكلم هتابع مع دكتور أعصاب، وأعمل جلسات كهرباء، لأعرف أتحسن ادعولي أعرف أنطق تاني، وأرجع لحياتي، أنا نفسيًا مش أحسن حاجة دعواتكم وشكرا للتواصل معايا، ولكل واحد حاول يكلمني، ويساعدني وشكرا للي جالي البيت ووداني المستشفى دعواتكم.

واختتمت: "اللي يعرف الأدوية دي تمام ولا حد يقولي أعمل إيه لأن أنا قلقانة".