«مفيش دم ولا إحساس».. تعليق ناري من نجم الإسماعيلي بعد إيقافه

علق عمر الوحش، لاعب الفريق الأول لكرة القدم بالنادي الإسماعيلي، على العقوبة الموقعة عليه بالإيقاف لنهاية الموسم وتغريمه 100 ألف جنيه.

وأعلن النادي الإسماعيلي توقيع عقوبة على عمر الوحش ومحمد مخلوف، بسبب سوء السلوك الذي بدر منهما عقب نهاية مران أمس الإثنين.

وكتب الوحش عبر حسابه الرسمي على موقع التواصل الاجتماعي "إنستجرام": "انضباط إيه وأنت بتتكلم على كابتن الفريق اللي عاملك كل ده أصلا".

وتابع: "والدي في العناية، ويجيب سيرته ومش عايزني آخد حقي، يبقى مفيش دم ولا إحساس ولا تقدير كالعادة".

واختتم عمر الوحش: "ربنا كبير والفترة دي تعدي عشان نادينا، وبعد كده كله هيعرف حسابه ربنا عليم ورقيب وهصبر وهاخد حقي".

وشارك مخلوف منذ بداية الموسم مع الإسماعيلي في 16 مباراة سجل خلالهم هدفا واحدا، بينما شارك الوحش في 17 مباراة.

ويستعد الإسماعيلي لمواجهة أسوان في الجولة الثانية والثلاثين من مسابقة الدوري المصري، والمقرر لها مساء الخميس المقبل.