مفاجأة.. مرتضى منصور يوافق على عودة سيف فاروق جعفر للزمالك
أكد مرتضى منصور رئيس الزمالك المعزول، على تدخل العديد من الوسطاء لحل أزمة سيف فاروق جعفر، لاعب الفريق الأول بعد توقيع عقود انتقاله لصفوف بيراميدز.
وقال مرتضى منصور في تصريحات عبر قناة "الزمالك": "سيف ولد صغير وفي ناس ورطته، أزمتنا إننا عاوزين عقودنا، وفي ناس طلبوا مننا إن اللاعب يعتذر".
وشدد: "سيف رفض يعمل مداخلات تليفزيونية علشان في ناس بتحب الصيد في الماء العكر، أنا مظلمتوش، هو من ظلم نفسه وأنا حافظت علي أوضة اللبس".
وأضاف: "لو سيف عايز يرجع لازم يعتذر وينهي أزمته مع نادي بيراميدز، هنا ممكن يرجع للزمالك تاني وينتهي الأمر، ولكن لازم يعتذر ويجيب العقود اللي وقعها مع بيراميدز".
واختتم مرتضى منصور تصريحاته: "رسالتي للسيد سالم الشامسي، من فضلك مش أنا اللي اعتديت على لاعيبتك في قلب بلدك في السوبر، دا النادي التاني، ولا أنا اللي لعبت دوري أبطال إفريقيا مكانك وانت لعبت كونفدرالية دا النادي التاني".
