بسنت السبقي: «السبكي وعدني أكون نجمه أفلامه وبعدها حصل خلاف»
رفضت الفنانة بسنت السبقي أن تفصح عن تفاصيل الخلاف بينها وبين المنتج محمد السبكي قائلة: "بعد ما السبكى شافنى فى اهواك وعدني أنى أكون نجمة افلامه الجاية وكنا بنصور فى الغردقة ووصلنا الفجر مستناش لتانى يوم وقالى تعالى الشركة ومضيت على فيلم "اوشن ١٤" بعد وعده ليا بعدين حصل خلاف".
كما كشفت عن رأيها في الأعمال الفنية من انتاج السبكي قائلة: افلام السبكى أى حد مش معروف لو شارك فيها بيتعرف مبحبش أجواء استايل الرقاصة والمهرجان اللى في افلام السبكى دي مينفعش تبقى موجودة طول الوقت، ممكن بلجأ ليها لما ببقى عايزة افك شوية اضحك مخى ميشتغلش لأن الناس لو اتعودت على ده طول الوقت هنبقى ناس سطحية مش بنفكر فى اي حاجة مش هننتج فى اى حاجة وهتبقى دى أفكارنا الشعب نازل عايز دى تبقى رقاصة وهو عايز يبقى بيغنى ويطبل".
