«عايزين ترحلوني مصر».. طارق حامد يكشف مقلب لاعبي اتحاد جدة

كشف طارق حامد لاعب الفريق الأول لكرة القدم بنادي اتحاد جدة السعودي، كواليس "مقلب" زملائه في الفريق خلال معسكر العميد بدبي.

وقال طارق حامد في فيلم وثائقي عن رحلة الاتحاد للتتويج بلقب الدوري السعودي: "وقت معسكر دبي، قررنا ندخل جروب مع بعض، وأنا قولت للاعبين كل واحد عليه يوم يعزم الكل".

وتابع: "لما جيه دوري، بعد ما خلصنا لقيت زمايلي بيقولوا استنى، فجأة الاستف بتاع المطعم جابلي تورتة المفروض لعيد ميلادي، وأنا عيد ميلادي عدى عليه 6 شهور ومفهمتش إيه لازمة الاحتفال ده دلوقتي".

وواصل: "لاقيت التورتة مكتوب عليها، كل سنة وأنت طيب يا طارق ومبروك الـ 39 سنة وأنا عندي 34 أصلًا".

واختتم طارق حامد تصريحاته: "قولتلهم إنتوا عايزين ترحلوني على مصر، طيب استنوا أكمل موسم ولا اتنين مع النادي".