«طول عمرك مسطول».. نجم الزمالك يفتح النار على ميدو بعد هجومه الأخير

فتح أسامة نبيه مدرب الزمالك السابق، النار على أحمد حسام ميدو نجم القلعة البيضاء، بعد تصريحاته الأخيرة، عن تورطه في اقناع سيف فاروق جعفر للانتقال لصفوف بيراميدز.

وكتب أسامه نبيه عبر حسابه الرسمي على موقع التواصل الاجتماعي "فيسبوك": "طول عمري مؤمن بمقوله عتاب النجل اجتنابه، بس الواحد عذرك أصل طول عمرك مسطول".

هجوم ميدو على أسامة نبيه

وقال ميدو في تصريحات تلفزيونية: "أنت اتفضـحت قدام جماهير الزمالك، رايح تقنع سيف جعفر يسيب الزمالك ويروح بيراميدز، وبتخلي مراتك تكلم والدة اللاعب عشان تقنعه يروح بيراميدز".

وتابع: "أنت كمان طالع تقول إشاعات علي النادي، اللي خيره عليك، وتقول ده زيزو وفتوح عاوزين يمشوا، الكلام ده لو من ناس بره الزمالك هنقول طبيعي، لكن يطلع من واحد من أبناء النادي والله عيب عليكم".

وشدد: "الراجل ده عمل مشكلة واتسبب في رحيل فيريرا عشان يمسك مكانه، وبعد رحيل البرتغالي، لقى بدلة المدير الفني للزمالك واسعه عليه، قالهم الحقوني ورجعوا فيريرا تاني".

واختتم ميدو تصريحاته: "إنذار أخير لأسامة نبيه، أنا عندي ضدك حاجات كتير، وأزمات أنت عملتها واتسببت فيها خلال عملك في الزمالك، لو مبطلتش اللي بتعمله ده أنا أول واحد هيتصدى ليك، علشان الزمالك أهم من الفلوس اللي قولت لابنك يسيب النادي علشانها".