ميدو يفتح النار على إبراهيم المنيسي: زمن تكميم الأفواه انتهى.. وكلامي عن حسام غالي (وجع ناس كتير)
فتح أحمد حسام ميدو، نجم منتخب مصر الوطني السابق، النار على الناقد الرياضي إبراهيم المنيسي، بسبب ما صرح به الأخير بشأن عدم أحقية ميدو على الحديث عن النادي الأهلي.
قال ميدو في تصريحاته عبر برنامج الريمونتادا على قناة المحور: "طلع انهاردة الأستاذ إبراهيم المنيسي عمل فيديو، وقال حاجة غريبة جدا في الفيديو، قال مش من حق الكابتن ميدو إنه يتكلم على النادي الأهلي، لأنه راجل من أصحاب القرار داخل نادي الزمالك.. انت متأكد من الكلام اللي انت بتقوله ده؟"
أضاف: "مش من حق أي حد إنه يحجب رأي شخص آخر، كنت أتمنى إنك تتكلم بذكاء الإعلامي، لأنك راجل إعلامي وعندك خبرة، المفروض إنك عارف حقوق الإعلاميين، زمن تكميم الأفواه مبينفعش معانا"
وواصل: "الراجل اللي خلاك تتملى وتقول الكلام ده، زي ما بيقول لعلاء صادق وبيمليه، الراجل ده زاقق طوب الأرض عليا عشان اتصالح معاه وأنا رافض أقعد معاه، ومش هتصالح معاه، إنت فرحان إني بتكلم عليك بس مشكلة، أنا هتكلم عليك افرح"
واختتم: "هل كلامي الجيد عن حسام غالي وجع ناس كتير؟ هل وجع ناس وخلوك تعمل الكلام ده.. أرجوك فكر كويس قبل ما تقول الكلام حتى لو بتقوله على قناة خاصة تحت بير السلم"
