«مش خايف من حد».. رد ناري من أفشة على المنتقدين بعد تراجع مستواه
رد محمد مجدي أفشة لاعب الفريق الأول لكرة القدم بالنادي الأهلي، على منتقديه الفترة الأخيرة بعد ابتعاده عن المشاركة بصورة أساسية، مع السويسري مارسيل كولر المدير الفني للأحمر.
وقال أفشة في تصريحات تلفزيونية عقب تتويج الأهلي بلقب دوري أبطال إفريقيا: "مكنش ينفع نخسر بطولة إفريقيا مرتين ورا بعض، وإحنا شوفنا دعم كبير أوي من جماهير الأهلي، سواء في مصر أو خارجها، وجماهير الأهلي موجودة في كل مكان".
وتابع: "أنا قولت لما خسرنا بطولات كتير السنة اللي فاتت، الأهلي عارف لما بيوقع هيرجع تاني إزاي، والخوف بيكون على اللي جاي، إحنا الأهلي وعارفين بنقف إزاي، واللي مش عارف يرجع للتاريخ".
وشدد: "ناس كتير بتتكلم عني وبتقطع فيا وبتقول مستوايا وحش، أنا مش بسمع أي حاجة، لأن في الأخر دي وجهات نظر وكل واحد من حقه يتكلم، أنا عارف وعندي ثقة في نفسي بعد ربنا لما ألعب بكون قد أي حد في الملعب".
واختتم أفشة تصريحاته: "أنا دايما مركز وبعمل اللي عليا وبتمرن كويس، لكن الناس فاكرة إن اللي مش بيشارك كتير بيعمل مشاكل، لكن أنا مش الشخصية دي، أنا عندي ثقة في نفس ومش بخاف من حد، والكورة والرد بيكون في الملعب، أنا بلعب للأهلي وجماهيره بس".
