«ربنا ما يجيبش غير الخير».. رد ناري من زيزو بعد تراجع مستواه مع الزمالك

وجه أحمد سيد زيزو، لاعب الفريق الأول لكرة القدم بنادي الزمالك، رسالة قوية لجماهير القلعة البيضاء بعد اتهامه بتراجع مستواه الفترة الأخيرة.

وكتب زيزو عبر حسابه الرسمي على موقع تبادل الصور والفيديوهات "إنستجرام": "مش عارف إيه الموضوع بالظبط، علشان أنا مش متعود أتابع سوشيال ميديا كتير، بس كنت عايز أقول كلمتين، وجهة نظرك صح 100% أنا عارف إن الـ 30 مساهمة السنة دي مش أحسن حاجة وأنا مقتنع جدا بوجهة نظرك".

وأضاف: "ركز بقى في مستقبلك واسعى في كذا حاجة، لعل ربنا يكون كاتبلك خير في الحاجات اللي هتسعى فيها، وتكون رزق ليك ولأولادك، اسعى في حاجة تقدر تفيد وتعلم أولادك بيها لأن في الأول وفي الأخر محدش هيغير حاجة ربنا كاتبها".

واختتم زيزو رسالته: "بتمنالكوا كل خير وربنا يوفقكوا، في أي حاجة كويسة هتسعوا ليها في الأخر أنا الحمد لله رزقي مكتوب، وأنا بسعى وربنا دايما مبيجبش غير الخير".