«جيبي فيه 2 جنيه».. رد مفاجئ من كهربا على تسديد غرامة الزمالك

أثار محمود كهربا لاعب الفريق الأول لكرة القدم بالنادي الأهلي، جدلًا واسعًا في الساعات الأخيرة، بعد سؤاله عن تسديد غرامة الزمالك.

وبات كهربا مهددًا بالإيقاف لمدة 6 أشهر مجددًا، حال عدم تسديد الغرامة المالية لصالح الزمالك والمقدرة لـ2 مليون و400 ألف دولار.

وقال كهربا في تصريحات تلفزيونية: "الناس عارفة أنا بمر بإيه، لكن البطولات أهم حاجة، لأنها بتعوض كل شخص عن تعبه والحمد لله ربنا كافئني".

وشدد: "أنا زعلان جدًا على اللي بيحصل في الأجواء المصرية، ولكن ماليش ذنب في أي حاجة، اسمي دايمًا بيتحط في أي مشكلة وده بيخليني تصعب عليا نفسي".

وعن مباراة بيراميدز: "توقعت وصول المبراة لوقت إضافي وركلات جزاء، وقلت لـ سامي قمصان إن شاء الله هاشارك في الشوط الثاني وهعمل حاجة للفريق".

وعن تعامله في فترة الإيقاف؟ قال: "اللي معاه ربنا يمشي على الماية وعلى السماء، واللى معاه والده ووالدته وأخوته، بالدنيا كلها".

وعن دفع غرامة الزمالك، رد: "استنى كده أشوف معايا في جيبي فلوس ولا لا، مش معايا غير 2 جنيه والله و5 جنيه هفطر بيهم الصبح فول وطعمية".