«أنا مش حنفي».. مرتضى منصور يثير الجدل بشأن انسحاب الزمالك من السوبر

أثار مرتضى منصور رئيس نادي الزمالك المعزول، جدلًا واسعًا في الساعات الأخيرة، حول موقف ناديه من المشاركة في مباراة السوبر المصري أمام الأهلي، والمقرر لها الجمعة المقبل.

وترددت أنباء في الساعات الماضية، حول انسحاب الزمالك من مباراة السوبر، اعتراضًا على مشاركة محمود كهربا لاعب الأهلي، رغم عقوبة إيقافه 12 مباراة.

وقال مرتضى منصور في تصريحات عبر قناة الزمالك": "مع احترامي للجماهير والناس كلها اللي بتقول انسحب، أنا لو عملت كدة مش هيكون فيه نادي، وإحنا مكان مؤسسي بنجتمع علشان ناخد القرارات المناسبة لصالح النادي".

وشدد: "أنا عندي بلدي رقم واحد، وأنا مش بخاف غير من اللي خلقني، واللي بيقول عليا حنفي، أنا قبل كده ملعبتش مباراة المقاصة ومباراة الأهلي، وأصريت على تنفيذ قراري ومش أنا اللي حنفي".

واختتم مرتضى منصور تصريحاته: "لكن كلامي مش معناه إني هنسحب ولا لاء، أنا بس بفهم الناس اللي بتقولي أنت رجل دولة، أنا مبقتش رجل دولة أنا لسه طالع من السجن".

يذكر أن مرتضى منصور أعلن عقد اجتماع طارئ لمجلس إدارة الزمالك، يوم الأحد المقبل في الثالثة عصرًا، لمناقشة عدد من القرارات المهمة.