«استمر نصف ساعة».. تفاصيل أزمة القناة الخامسة وكتابة قداس عيد القيامة على بث صلاة التراويح

شهدت منصات التواصل الاجتماعي خلال الساعات الماضية، حالة من السخرية والتهكم إثر خطأ في عنونة المادة المعروضة على الشاشة وكتابة "قداس عيد القيامة" أثناء بث صلاة التراويح.

وتداول رواد التواصل الاجتماعي صورة تظهر خطأ القناة الخامسة وكتابة قداس عيد القيامة بدلًا من صلاة التراويح وعلق ناشط على الصورة شارحًا تفاصيل الأزمة وكتب: «لو مبرشم مش هيعمل كده»، على فكرة الخطأ استمر على الشاشة حوالي ٣٠ دقيقة بالتمام والكمال ومحدش حس بحاجة، اللي حصل فكرني بـ «الهرم»، أما دخل على ظابط المباحث في فيلم الكيت كات، والضابط قال له تشرب حاجة يا هرم ، قال له يا بيه أنا لسه مصطبحتش، قصدي مفطرتش.

وتابع: رئيسة التلفزيون توقف مخرجًا بالقناة الخامسة وتحيله للتحقيق إثر خطأ في عنونة المادة المعروضة على الشاشة وكتابة "قداس عيد القيامة" أثناء بث صلاة التراويح.

وسخر آخر وكتب: «دي عظمة الوحدة الوطنية على القناة الخامسة».

وأخذ ناشط موقف دفاع عن القناة والعاملين بها وكتبت: بيحصل كده عادي في القطاع الخاص وبتعدي من غير شوشرة، متدبحوش الناس، الناس دي شغالة في أسوء الظروف وبأقل إمكانيات ومفيش حتى كلمة شكر.

https://m.facebook.com/story.php?story_fbid=pfbid02M5Cp2NYhtsWXnRGqpXf9CMzxWZGCN6Eb5EknJ9hHCBiJ7nhJuWo7s2vC9NZppjr4l&id=705579416&sfnsn=scwspwa&mibextid=VhDh1V