محمد مختار يكشف فرق العمر بينه وبين رانيا يوسف.. فيديو
كشف المنتج الفني محمد مختار، عن فرق السن بينه وبين طليقته الفنانة رانيا يوسف، قائلا: "فرق السن بيني وبين أم الولاد 17 عاما على الرغم من أنها صرحت بأن فرق السن بيننا 30 عاما".
وتابع محمد مختار، خلال استضافته مع الإعلامية أسما إبراهيم، ببرنامج "حبر سري"، المذاع على فضائية "القاهرة والناس": "تقول اللي هي عايزاه إن شاء الله تقول 200 سنة والحاجات دي متفرقش معايا ولا تأثر فيا خالص وهي بتفتكر الحاجات دي ممكن تأثر معايا".
وكشف عن أنه تزوج 3 مرات والفرق بينه وبين آخر زوجاته 30 عاما، معلقا: "ميهمش أنا شاب ورياضي فرق السن دي مجرد أرقام وأنا بحب الحياة".
واستطرد: "عندي الجرأة أقول عندي كام سنة واطلع بطاقتي على الهواء وعندي 67 سنة".
وفي وقت سابق هاجمت رانيا يوسف طليقها محمد مختار، قائلة: "بيقول إنه بيصرف على بناته، طب أنا ليه رافعة قضية نفقة؟ وكان بيدي 1200 جنيه وبيمن على ولاده بيها وبيدفع المبلغ دا شهريًا".
