مرتضى منصور يكشف المتسبب في فشل المفاوضات مع هيرليتش

كشف مرتضى منصور رئيس مجلس إدارة نادي الزمالك، مفاجأة بشأن المتسبب في فشل المفاوضات مع الألماني هايكو هيرليتش لتدريب الفريق.

وقال مرتضى منصور في تصريحات عبر قناة "الزمالك": "الناس اتصلوا بالمدير الفني وقالوا له إيه جابك، الزمالك كله مشاكل واهرب، إنت بتتشتم قبل ما تستلم ده مناخ سيئ ومقرف”.

وتابع: "عايزين انتخابات هعملكم انتخابات أقرب مما تتخيلوا، عايزين تمشوني؟، لو مشيت دلوقتي هو شهر 7 إمتى ؟ كمان 3 شهور، هعمل انتخابات وهكتسح وهرجع تاني، لكن في الـ3 شهور دول النادي هيجي الأرض وهيقع".

وشدد: "عملنا اللي علينا كمجلس وشكلنا لجنة كرة تختار وتقيم اللعيبه، ورسالتي للجماهير اقفلوا الصفحة، كله هيتحاسب بالفلوس، وفي صلاحيات كاملة لعبد الواحد السيد في العقوبات، ومفيش فيس بوك ولا لاعب يتأخر عن التدريب والقصة انتهت حتى لو هلعب بالناشئين".

واختتم مرتضى منصور تصريحاته: "أي لاعب فاتح صفحة على الفيسبوك أو إنستجرام، كل يوم هيكون في 25 ألف جنيه غرامه، لازم تركزوا علشان تسعدوا الملايين".