طارق يحيى عن انتقال نجم الزمالك للأهلي: «هل هنبوس رجله علشان يكمل؟»
علق طارق يحيى نجم الزمالك السابق، على الأنباء المترددة حول انتقال إمام عاشور لاعب وسط ميتلاند الدنماركي، إلى صفوف النادي الأهلي عقب رحيله عن القلعة البيضاء.
وقال طارق يحيى في تصريحات عبر برنامج زملكاوي المذاع على قناة "الزمالك": "إمام عاشور مشي من نادي الزمالك خلاص، ومتعجب من كمية الأخبار اللي خرجت بعد رحيله، عن الانتقال لنادي معين، هو هيكون أفضل من رضا عبد العال أو إبراهيم حسن؟".
وتابع: "إحنا عاطفيين جدًا، وهو الأهلي هيقف على إمام عاشور؟، اللاعب عنده حرية الاختيار سواء بالانتقال إلى الأهلي، أو الإسماعيلي، في النهاية هو مش ملك نادي الزمالك في الوقت الحالي".
وشدد: "إمام عاشور كان بيبوس القميص ويبكي قدام عيني علشان الاحتراف، هل نوطي على رجله ونبوسها علشان يكمل معانا؟، النادي مش بيقف على حد، ولا هو بنعبد أصنام وخلاص فين المشكلة؟، لاعب ومشي".
واختتم: "مصطفى محمد رحل عن الزمالك وهو قده 100 مرة، وطارق حامد رحل عن الزمالك، وهو قده مليون ألف مرة، ومع ذلك واصل الزمالك حصد البطولات".
