عمرو أديب منفعلا بسبب الزمالك: «النادي بقى ملوش صاحب وهيتساب عزبة».. فيديو
انفعل الإعلامي عمرو أيدب، بسبب خسارة الزمالك بشكل غريب أمام نادب البنك الأهلي بثلاثة أهداف مقابل لاشىء، معلقا: "قبل كده كنا من غير مجلس إدارة وكسبنا الدوري والكاس لكن متفهمش فيه إيه؟".
وأضاف الإعلامي خلال برنامج "الحكاية"، المذاع على فضائية "إم بي سي مصر 2"، أن أداء نادي الزمالك تراجع بشكل كبير للغاية، معلقا: "الزمالك اتدهور بشكل كبير جدا إحنا ليه بيتعمل فينا كده ما تعرفوا إيه السبب وإيه اللي وصل النادي لكده بقى نادي ملوش صاحب".
وتابع: "إحنا محتاجين إنقاذ للزمالك والدولة بتتفرج ليه ماشية على سطر وتسيب سطر وليه محدش عايز يتصرف.. النادي محتاج شوية استقرار والنادي ياخد نفسه".
واستطرد: "الزمالك هيتساب عزبة ومش فاهم موقف وزير الشباب والرياضة من اللي بيحصل في الزمالك، موقفه مش واضح والمسألة بقت غريبة جدا وكل واحد يقولك اسأل التاني وكله ملوش رأي".
