عارفة عبد الرسول ردًا على انتقاد صورها الجريئة: «اللي بيديني مصروف يقطعه»
حرصت عارفة عبدالرسول على الرد بعدما وجهت لها انتقادات مؤخرًا، وخلال استضافتها في برنامج «معكم منى الشاذلي»، قالت: "لساني فالت اعمل ايه".
وتابعت: "أنا بتكلم بطبيعتي ومبقصدش حاجة خالص فبتفاجئ إن الناس كبرت الأمور".
وأضافت: "أنا بتعامل عادي وعلى طبيعتي، واللي بيديني مصروف يقطعه معنديش مشكلة مع حد، وبظهر بطبيعتي، حتى الصورة المقصودة مكنش ظاهر فيها المايوه، أنا أهم حاجة عندي في الحياة الشغل، مش مهم شكلي ولبسي المهم شغلي».
وفي لقاء سابق لها قالت عارفة عبدالرسول: "أنا من الإسكندرية واتعودت أنزل البحر وإلا هيجي لي اكتئاب، ونزلت صورتي بالمايوه وكنت في منتهى السعادة واللي باين مني كتف بس".
وتابعت: "بيقولوا لي يا ولية يا عجوزة اتلمي إزاي تلبسي بكيني، هو فين البكيني ده، وبعدين أنا من جيل المايوهات، زمان لما كانت بتصغر علينا أبويا كان بيجبلنا مايوهات أكبر، وبنضحك على أي حد نازل البحر بجلابية وبنطلون".
وأضافت: "كنت بلبس بكيني وأنا صغيرة ولما كبرت بقيت ألبس قطعة واحدة، وحاليًا بلبس شورت بيبي دول، وشايفة بحر يعني مايوه، وممكن ألبس بوركيني بدون حجاب".
