ياسمين عز: «الدليفري اللي بيوصلك الطلبات ربنا بعتهولك لحد باب بيتك عشان تتصدق».. فيديو
قالت الإعلامية ياسمين عز، إن الصدقة لها مفعول السحر في حياتنا، معلقة: "كل الدنيا دلوقتي بتمر بظروف صعبة وكلنا مرينا بظروف صعبة زود على ده إننا في شتاء وبرد شديد".
وتابعت ياسمين عز، خلال حلقة برنامج "كلام الناس"، المذاع على فضائية "إم بي سي مصر": "إحنا بنطلب الحاجة دليفري والعادي بنسيب باقي الحساب الفكة للعامل الدليفري واعتبروا اللي جاي يوصلك الحاجة لبيتك ربنا بعتهولك عشان تتصدق وأنت في بيتك ومفيش أحسن من كده".
وتابعت موجهة حديثها للمواطنين: "أنت مش بتدي لحد أنت بتعامل ربنا والصدقة لله قبل المخلوق".
واستكملت مطالبة المواطنين بالحرص على إخراج الصدقة لعاملي الدليفري: "لما نطلع الصدقة نطلعها بكرم لأنها لله سبحانه وتعالى".
