ياسمين عز تتغنى بالرجل المنوفي: «بيخلي الست تشعشع».. فيديو
قالت الإعلامية ياسمين عز، إن الرجل المنوفي يختلف عن باقي الرجال، إذ يتميز بكثرة عطائه وكرمه مع زوجته ومنزله.
وخلال تقديمها برنامج "كلام الناس" اليوم السبت، قالت ياسمين عز: "معروف للجميع إن المنوفية دي بلد الكرم كله وهتلاقي جوزك المنوفي كريم ومعطاء وكل اللي في جيبه ليكي أنتي وأولاك".
وخاطبت "عز" الفتيات عن مواصفات الرجل المنوفي قائلة: "اعرفيها قاعدة كدا المنوفي لا يلوفي مع البخل، يعني مش بيولف مع صفة البخل إطلاقًا ومن ناحية الكرم خدي براحتك".
ووجهت حديثها للسيدات بالقول: "عارفة مقولة الراجل هو اللي بينور الست، صاحب المقولة دي كان يقصد بكلامه الراجل المنوفي، الحكمة دي عملوها أصلًا مع الراجل المنوفي».
واستطرت: «الرجل المنوفي هو اللي بينور الست بيخليها تشع وتشعشع، دا راجل قلبه كبير وعقله يوزن بلد ويفهمك من غير ما تتكلمي، وهتلاقيه يعديلك حاجات كتير ومش بيقفش عليكي إلا في الشديد قوي».
وأضافت: «عشان كدا قالوا في الأمثال زمان، لو موجود كل رجالة الدنيا في كيس هتختاري المنوفي عشان يبقى ليكي عريس، كل التحية لرجالة المنوفية».
