نشطاء مواقع التواصل يتضامنون مع رجل حمل لافتة بالشارع للمطالبة بإنقاذ طفليه
تداول رواد مواقع التواصل الاجتماعي خلال الساعات القليلة الماضية مع منشور لشاب يقف في الشارع ويحمل لافتة عليها صور لطفليه مطالبًا المسئولين إنقاذهما من الموت، بسبب عدم توافر فصيلة دمهما في مصر بنسبة 100%.
بداية القصة
وأظهرت الصورة التي تداولها رواد السوشيال ميديا الأب واقفًا يحمل لافتة كبيرة مدون فيها الآتي: مش عاوز غير صوتي يوصل للإعلام والمسئولين في مصر عندي طفلين آسر وحمزة محتاجين عملية زرع نخاع ومفيش فصيلة لهم في مصر بنسبة 100%.
مناشدات بالتدخل
وتفاعل رواد السوشيال مع الصورة مطالبين الجميع بالتدخل وتقديم المساعدة للطفلين، موضحين مأساة الرجل وتفاصيلها وجاء في منشور لبعض الصفحات: "الراجل المحترم ده واقف عند الاستاد في سوهاج رافع اليافطة دي بيطلب ان حد يوصِّل صوته للمسئولين والاعلام، ياريت حد يساعده من المسئولين ويقف معاه أو أي حد تاني يقدر يساعده بأي طريقه، وإحنا كمان كلنا هنساعده بأننا نعمل up كتير للبوست ونشيِّره على صفحاتنا وأي جروب كبير، وفي رقم تواصل مكتوب لو في حد عايز يتواصل معاه.
وكتب ناشط طالبًا من الناس تقديم العون للرجل: الرسول ﷺ قال: ( مَنْ نَفَّسَ عَنْ مُؤْمِنٍ كُرْبَةً مِنْ كُرَبِ الدُّنْيَا نَفَّسَ اللَّهُ عَنْهُ كُرْبَةً مِنْ كُرَبِ يَوْمِ الْقِيَامَةِ .. وَاَللَّهُ فِي عَوْنِ الْعَبْدِ مَا كَانَ الْعَبْدُ فِي عَوْنِ أَخِيهِ )،(ومَنْ كَانَ فِي حاجةِ أَخِيهِ كانَ اللَّهُ فِي حاجتِهِ).
وعلقت ناشطة: لا حول ولا قوة إلا بالله العلي العظيم ربنا يشفيهم ويعافيهم شفاء لا يغادر سقماً يارب.
ودعا آخر بـ: لا حول ولا قوة إلابالله، ربنا يشفيهم ويعافيهم ويبارك فى عمرهم يارب ويجعلهم ذريه صالحة.
وكتب آخر: ربنا يفرج عنه يارب بس عجبني فيه أنه بيعمل اللي يقدره عليه ربنا عشان ميبقاش قصر فى حق عياله، ربنا يشفيهم ويرفع عنهم ويفك كربك يا رب.
واقرأ أيضًا..
