«ادلعتوا كتير».. تعليق قوي من أبو تريكة على خسارة قطر بافتتاح كأس العالم

علق محمد أبو تريكة نجم الأهلي ومنتخب مصر السابق، على خسارة قطر أمام الإكوادور بهدفين دون رد، في افتتاح منافسات كأس العالم 2022، اليوم الأحد.

وقال أبو تريكة في تصريحات تلفزيونية عبر قناة "بي إن سبورتس": "أنا شوفت منتخب قطر قبل كدة وكنت بتابعه، وهما عندهم أفضل من كدة، اللاعبين مقدموش 10 % من مستواهم".

وتابع: "بقولهم انتوا أبطال آسيا، والبطل لازم يستحمل النقد القاسي".

وواصل: "في البلايستيشن كل لاعب يلعب بذراع تحكم، مدرب الإكوادور النهاردة كان يلعب بالذراعين، وترك لقطر الاستحواذ، إزاى أبطال آسيا مش عارفين يلعبوا 5 تمريرات صح".

وشدد: "انتوا دلعتوا اللاعبين، ولازم يتقبلوا النقد، ولازم نكون قاسيين معاهم، علشان عايزين نشوف الأفضل منهم، منتخب قطر النهاردة لعب بإيقاع المباريات الودية مش الرسمية في كأس العالم".

واختتم محمد أبو تريكة تصريحاته: "متزعلوش من النقد، البطل لازم يتحمل النقد، زي ما اتدلعتم كتير لازم تتحملوا".