مصرية توثق مقطع فيديو لأزمة البنزين في فرنسا.. ونشطاء: إحنا أحسن من غيرنا
تداول عدد من نشطاء موقع التواصل الاجتماعي خلال الساعات القليلة الماضية مقطع فيديو لسيدة مصرية توضح وجود أزمة بنزين في فرنسا.
ووثقت السيدة المصرية في مقطع الفيديو زحام شديد أمام محطات البنزين بسبب نقصه في فرنسا.
وبحسب الفيديو المتداول، قالت السيدة المصرية: رايحة بينا على فين يا فرنسا، إحنا في فرنسا وصلنا لمرحلة أسود من قرن الخروب.
وتابعت: البلد هنا مفيهاش بنزين، فاكرين لما كان في أم الدنيا أزمة بنزين وواقفين طوابير، خالتي فرنسا برضه هتوقفنا طوابير قصاد البنزينة، مستكملة: بعد كده هنقف طوابير عيش، وهنعمل كارتة للجمعية وهنقف فيها كمان.
وعلق الكثير من رواد صفحات التواصل الاجتماعي على مقطع الفيديو المتداول، وكتب ناشط: ربنا يبارك فى الرئيس السيسي وبحفظه لمصر لأنه بيعالج الأزمات بحكمه والأزمة على كل العالم وربنا يخرجنا منها على خير وربنا يخليه لينا ويهلك الإخوان الإرهابيين ويجعل كيدهم في نحورهم ونعوذ بالله من شرورهم اللهم امين يارب العالمين.
وكتب آخر: خليهم يشربوا ويحسوا باللي عملوه في الدنيا كلها الحمد لله إحنا في نعمة كبيرة.
وعلق ناشط: أحسنت القول شوفوا يا مصريين العالم متبهدل دي أزمة عالمية في العالم كله مش في مصر بس العالم كله إحنا أحسن من غيرنا وحفظ الله مصر وشعبها العظيم من كل شر يا رب العالمين.
