«خراطيم تنفس ومهدئات وقلب مفتوح».. تطورات الحالة الصحية لسهير البابلي
كشفت نيفين القرناوي ابنة الفنانة الكبيرة سهير البابلي أن والدتها لن تخضع لعملية قلب مفتوح، قائلة: «سمعت دلوقت حد بيقول إنها دخلت تعمل قلب مفتوح، كلام مش مظبوط خالص».
وتابعت ابنة سهير البابلي: «كانت أول حاجة السبب والله أعلم هبوط السكر العالي جدًّا، لحقوه طبعًا، والسكر لما هبط عمل جفاف في الجسم، والبروتين نقص جدًّا من الجسم، فابتدت تمتنع عن الكلام والأكل والشرب. ولما دخلت تعمل تشيك أب لقوا في ميه على الرئة، وشوية لقوا كمان جلطة فعضلة القلب وقفت، بس الحمد لله شغلوها بفضل الله، وهي دلوقت تحت الرعاية في العناية المركزة».
وأضافت: «أنا بكلمها وهي من ساعة ما دخلت بتتكلم، ودرجة الوعي جميلة، بس في أوقات بيدوها مهدئ عشان في حاجات راكبة. في خراطيم عشان التنفس لإن الأكسجين نزل جدًّا عشان الميه على الرئة، وعشان عضلة القلب وقفت، فلازم يريحوا شوية متبقاش قاعدة مركزة قوي مبتنامش، فبيدوها مهدئ عشان تسترخي ويقدروا يشوفوا درجة التحسن».
